शिरपूर (दि. २१ जुलै): शिरपुर छावा मराठा संघटनेचे प्रदेशाध्यक्ष विजय घाडगे यांच्यावर लातूर येथे राष्ट्रवादी काँग्रेसचे नेते सुरज चव्हाण व त्यांच्या कार्यकर्त्यांनी मारहाण केल्याच्या घटनेचा तीव्र निषेध करण्यात येत आहे. या घटनेच्या विरोधात शिरपूर तालुक्यातील दहीवद गावाजवळ छावा संघटनेच्या कार्यकर्त्यांनी महामार्गावर रास्ता रोको आंदोलन केले.
हे आंदोलन माजी नगरसेवक हेमंत पाटील यांच्या नेतृत्वाखाली करण्यात आले. आंदोलकांनी सुमारे एक तास महामार्गावरील वाहतूक ठप्प ठेवली. या वेळी संघटनेच्या अनेक पदाधिकाऱ्यांसह स्थानिक कार्यकर्ते मोठ्या संख्येने उपस्थित होते.
यावेळी बोलताना हेमंत पाटील यांनी सांगितले की, “सुरज चव्हाण यांच्यावर तात्काळ कठोर कारवाई झाली पाहिजे. जर कारवाई झाली नाही, तर छावा संघटना हे आंदोलन अधिक तीव्र रूपात उभे करेल.”
याप्रसंगी आंदोलकांनी परिसरात घोषणाबाजी करत निषेध व्यक्त केला. तसेच या घटनेविरोधात शिरपूर पोलीस ठाण्यात निवेदनही देण्यात आले असून, सुरज चव्हाण यांची पक्षातून हकालपट्टी करण्यात यावी, अशी जोरदार मागणी करण्यासाठी
मुख्य संपादक – गणेश दगा पाटील.
