शिरपुर एस. एम. पटेल हॉल, करवंद नाका, शिरपूर येथे आज शिरपूर तालुक्यातील बीएलओ (Booth Level Officer) आणि सुपरवायझर यांचा व्यापक व प्रेरणादायी प्रशिक्षण कार्यक्रम उत्साहात पार पडला.
या कार्यक्रमाचे आयोजन मा. प्रांत अधिकारी श्री. शरद मंडलिक यांच्या मार्गदर्शनाखाली करण्यात आले. कार्यक्रमास मा. तहसीलदार श्री. महेंद्र माळी व निवडणूक नायब तहसीलदार मा. श्री. रविंद्र कुमावत यांची प्रमुख उपस्थिती होती.
कार्यक्रमाची सुरुवात पांडू बापू माळी म्युनिसिपल हायस्कूल, शिरपूर येथील विद्यार्थिनींनी सादर केलेल्या प्रभावी मतदान जागृती गीताने झाली. या गीताच्या माध्यमातून लोकशाहीविषयी जनजागृती निर्माण झाली. यानंतर मा. तहसीलदार श्री. महेंद्र माळी यांनी कार्यक्रमाचे प्रास्ताविक करत प्रशिक्षणाचा उद्देश स्पष्ट केला.
प्रशिक्षणादरम्यान IIIDEM, दिल्ली येथील राष्ट्रीय प्रशिक्षण केंद्रात तयार करण्यात आलेला डेमो व्हिडिओ दाखवण्यात आला. त्यानंतर दिल्ली येथे राष्ट्रीय स्तरावर प्रशिक्षण घेतलेल्या मास्टर ट्रेनर श्री. दीपक पाटील यांनी उपस्थितांना आपल्या अनुभवातून प्रेरणादायी मार्गदर्शन केले.
प्रशिक्षण सत्रात बीएलओंची भूमिका, कर्तव्ये व जबाबदाऱ्या यावर सविस्तर मार्गदर्शन करण्यात आले. बीएलओ ॲप, वोटर हेल्पलाइन ॲप, BLA, BLV, BAG आणि SIR यासारख्या तांत्रिक संकल्पनांचे सखोल विवेचन PowerPoint सादरीकरणाच्या माध्यमातून करण्यात आले. घरोघरी सर्वेक्षण करताना येणाऱ्या अडचणींचे उदाहरणे मांडून, त्यावर सामूहिक चर्चेच्या माध्यमातून व्यावहारिक उपायही शोधण्यात आले.
कार्यक्रमाच्या शेवटी 30 वस्तुनिष्ठ प्रश्नांचा सराव गूगल फॉर्मद्वारे घेण्यात आला, ज्यामुळे प्रशिक्षण अधिक प्रभावी आणि सहभागात्मक ठरले.
या प्रशिक्षणाच्या यशस्वी आयोजनामध्ये निवडणूक विभागातील सर्व कर्मचाऱ्यांचे मोलाचे योगदान लाभले. उपस्थित बीएलओ व सुपरवायझर यांनी कार्यक्रमाला उत्स्फूर्त प्रतिसाद दिला. हा उपक्रम लोकशाही प्रक्रियेतील सहभाग अधिक बळकट करणारा ठर
मुख्य संपादक – गणेश दगा पाटील.
