शिरपूर (प्रतिनिधी):
शिरपूर तालुक्यातील ग्रामदेवत श्री खंडेराव महाराज संस्थान यांच्या वार्षिक यात्रेला उद्यापासून (रविवार) मोठ्या उत्साहात प्रारंभ होत असून, यात्रेच्या निमित्ताने संपूर्ण परिसरात भक्तिमय वातावरण निर्माण झाले आहे. २७४ वर्षांची गौरवशाली परंपरा लाभलेल्या या यात्रेसाठी संस्थानकडून सर्व तयारी पूर्ण करण्यात आली असून, यंदाही मोठ्या प्रमाणात भाविकांची गर्दी होण्याची शक्यता व्यक्त करण्यात येत आहे, अशी माहिती संस्थानचे अध्यक्ष कैलास धाकड यांनी दिली.
यात्रेचा शुभारंभ माघ शुद्ध पौर्णिमा या शुभ मुहूर्तावर होणार असून, रविवार सकाळी माजी नगराध्यक्ष भूषणभाई पटेल यांच्या हस्ते श्री खंडेराव महाराजांची महाआरती संपन्न होणार आहे. त्यानंतर नगराध्यक्ष चिंतनभाई पटेल यांच्या हस्ते यात्रेचे अधिकृत उद्घाटन करण्यात येणार आहे.
मान्यवरांची उपस्थिती
या भव्य उद्घाटन सोहळ्यासाठी आमदार काशीराम पावरा यांची प्रमुख उपस्थिती राहणार असून, विविध क्षेत्रातील मान्यवरांसह अनेक लोकप्रतिनिधी आणि प्रशासकीय अधिकारी यावेळी उपस्थित राहणार आहेत. त्यामुळे यात्रेचे महत्त्व अधिकच वाढले आहे.
यात्रेच्या यशस्वीतेसाठी संस्थानची सज्जता
यात्रेच्या यशस्वीतेसाठी संस्थानचे अध्यक्ष कैलास धाकड, उपाध्यक्ष संजय आसापुरे, कोषाध्यक्ष किरण दलाल, कार्याध्यक्ष साहेबराव महाजन, सचिव गोपाळ मरवाडी, विश्वस्त गुलाब भोई, श्रीहरी यादवगिरीवार, गोपाळ ठाके, शरदकुमार अग्रवाल, पुजारी मोर मुकुंद आणि व्यवस्थापक महेश देवकर यांच्यासह अनेक कार्यकर्ते परिश्रम घेत आहेत.
‘कोट्यवधींची उलाढाल’ असलेला पशुमेळावा विशेष आकर्षण
या यात्रेचे मुख्य आकर्षण असलेला पशुमेळावा १ जानेवारी रोजी आयोजित करण्यात आला आहे. विशेषतः अश्व (घोडे) आणि बैलजोड्या यांचा हा बाजार परिसरात सुप्रसिद्ध
मुख्य संपादक – गणेश दगा पाटील.
