दहिवद शिवाजीनगर गावाजवळील साखर कारखाना परिसरात आठ वर्षीय बालिकेवर नराधमाने अत्याचार केल्याची धक्कादायक घटना १५ ऑगस्ट रोजी दुपारी १२.०० ते १२.३० च्या सुमारास घडली. या प्रकरणी पोलिसांनी तातडीने हालचाल करून संशयिताला अटक केली आहे.
संशयिताचे नाव अनिल केरबा काळे (वय २८, रा. साखर कारखाना परिसर) असे असून, मुंबई–आग्रा महामार्गाजवळील कारखान्यासमोर त्याचे हॉटेल आहे. १५ ऑगस्टला दुपारी त्याने परिसरातील एका आठ वर्षीय मुलीस जबरदस्तीने उचलून नेले व जवळच्या टेकड्यांमध्ये घेऊन जाऊन तिच्यावर अत्याचार केला.
ही घटना उघडकीस येताच परिसरात संतापाची लाट उसळली. संतप्त नागरिकांनी आरोपीच्या हॉटेलची तोडफोड केली.
घटनेनंतर पोलीस अधीक्षक श्रीकांत धिवरे सांगवी येथे दाखल झाले. त्यांना नागरिकांनी निवेदन देत आरोपीवर फास्टट्रॅक कोर्टात खटला चालवून कठोर शिक्षा व्हावी, अशी मागणी केली आहे.
मुख्य संपादक – गणेश दगा पाटील.
