शिरपूर (ता. २५ जुलै २०२५): शिरपूर तालुक्यातील भोइटी गावाजवळ मोठ्या प्रमाणात अफूच्या सुकलेल्या बोंडांची (डोडा) वाहतूक करताना दोन संशयितांना पोलिसांनी रंगेहात पकडले. ही कारवाई २५ जुलै रोजी दुपारी १२.२० वा. सुमारास करण्यात आली.
शिरपूर तालुका पोलीस ठाण्याचे पोलीस निरीक्षक जयपाल हिरे यांच्या नेतृत्वाखालील पथकाने ही धाडसी कारवाई केली. भोइटी गावाजवळील वळणावर दोन गाड्यांची तपासणी केली असता,६३किलो वजनाचे अफूचे डोडा, ज्याची अंदाजे किंमत ₹३२,०००, एका राखाडी रंगाच्या गोणीत आढळून आले. याशिवाय दुसऱ्या गोणीत १५ किलो डोडा (किंमत ₹३०,०००) आढळून आले.
आरोपींच्या ताब्यातून खालील मुद्देमाल जप्त करण्यात आला:
एक XUV कार (MH 12 LD 8141) – ₹५०,०००
एक स्विफ्ट कार (GJ 06 LS 0075) – ₹४०,०००
एकूण जप्त मुद्देमालाची किंमत: ₹२,१०,०००
अटक आरोपी:सोनाराम, रा. उदासर, बाडमेर, राजस्थान
सुरेशकुमार गोपीचंद, रा. रणोदर, जालोर, राजस्थान (अटक दिनांक: २६ जुलै २०२५, वेळ: ००.२८ वा.)फरार आरोपी दिनेशकुमार, रा. मंडो की बेरी, बाडमेर, राजस्थानसदर आरोपींनी संगनमत करून, मानवी मेंदूवर विपरीत परिणाम करणारे प्रतिबंधित अफूचे डोडा अवैधरित्या वाहतूक करून विक्री करण्याचा प्रयत्न केल्याचे प्राथमिक तपासात निष्पन्न झाले आहे. गुन्हा NDPS कायदा कलम अंतर्गत गुन्हा नोंदवण्यात आला आहे.
पुढील तपास पोलीस उपनिरीक्षक सुनिल वसावे करत आहेत.
मुख्य संपादक – गणेश दगा पाटील.
